Со жалење можам да кажам дека без никакви причини и без никаков повод беше приведен еден наш активист. Сега сакам да апелирам до полицијата, бидејќи направи еден срамен чин на кој еден млад човек кој излезе да го изрази револтот беше легнат од полицајците беше приведен со лисици уште го чуваат во станица, истакна Ѓорѓија Сајкоски, генерален секретар на ВМРО-ДПМНЕ.

„Ние разговаравме со надлежните што го обезбедуваат овој настан и јас им укажав дека тоа што го направиле е кривично дело затоа што не може да приведуваат граѓани кои не го прекршиле законот. Овој настан беше најавен од ВМРО-ДПМНЕ и Коалицијата и ние кажавме дека уште пред два дена ќе ги блокираме 3 раскрсници во градот Скопје и уште во 9 градови во Република Македонија.

Жалам повторно што полицијата испровоцира инцидент. Од информациите што ги добив од лице место, од луѓето, од очевидците ми пренесоа дека еден наш учесник во собиров снимал  и се сликал на самиот собир што ниту е кривично дело, ниту прекршок може да се санкционира затоа ова е само провокација од страна на полицијата, а нашите учесници мирно протестираат и целата работа беше координирана со МВР до овој момент додека се случи инцидентот“ – истакна тој.