СДСМ и Ковачевски ќе бидат драматично поразени, ангажираа партиска полиција платена со државни пари да тепа народ кој не го сака Ковачевски. И додека го опколија Мечкин Камен со полиција и партиски тепачи спречија илјадници граѓани да присуствуваат на манифестацијата, стои во соопштението на ВМРО-ДПМНЕ.

Тие посочуваат дека Ковачевски не дозволи народот да присуствува на манифестацијата на Мечкин Камен, затоа што се плаши од него, па дури носеше со автобуси партиски активисти за да не биде сам на Илинден кога пристапот го ограничи за народот.

– Ковачевски избега од народот на Мечкин Камен исто како што бега од референдум и од избори. Одговорност за тепачите на Ковачевски, кои тепаа народ на Мечкин Камен ќе има, но одговорност ќе има и за самиот Ковачевски зошто тој заедно со Пендаровски е главниот организатор на предавствата, се додава во партиското соопштение.