„Палењето фотографии од политички лидери е напад врз демократијата“- порачуваат денес од СДСМ откако граѓани ја запалија фотографијата на Зоран Заев изреволтирани што тој тргува со уставното име.

-Палењето фотографии од политички лидери не е чин на напад врз личност, туку напад врз демократијата и демократските вредности, но граѓаните не дозволуваат омразата и гневот на поединци да и наштетат на државата и нејзините интереси, стои во соопштението на СДСМ.

Партијата на Зоран Заев не испрати вакво или слично соопштение кога насилни членови од нивната „Шарена револуција“, ја запалија сликата на претседателот на Република Македонија, Ѓорѓе Иванов. Фотографијата не беше единствено нешто кое членови на СДСМ го запалија тие денови.

Тие ја запалија целата народна канцеларија на претседателот и целиот инвентар внатре, но најстрашно од се е што запалија објект кој им припаѓаше на граѓаните поради кои и беше отворен.

Партијата од Бихаќка, сепак, повеќе ја здоболе што виде како гори фотографија од нивниот челник, па веднаш побрза со реакција. Сето тоа можеби ќе беше  во ред ако СДСМ ова соопштение го испраќа искрено или ако држи на своите ставови и тогаш кога нивни хулигани прават уште пострашни дела од ова.

Напротив, СДСМ застана зад протестите во кои се запали канцеларија и фотографија на првиот човек на државата. Заев и целото партиско раководство, неколку дена по хулиганското однесување на нивните сопартијци, излегоа со нив на улица и почнаа да ги маваат со боја институциите со кои денес раководат.

Од СДСМ денес лицемерно велат дека палењето фотографии од политички лидери е напад врз демократијата, со што директно објави дека палењето на канцеларијата и фотографијата на Иванов се дела против демократијата.

Само во нивниот случај, оние кои сторија дела против демократијата и беа предводници на „Шарената револуција“, денес се сместени во Влада, Собрание и други институции. Со тоа, практично, за нивните напади врз демократијата, беа наградени со високо платени работни места.