Предлог – законот за изменување и дополнување на Законот за правда за децата во прво читање е на дневен ред на денешната собраниската Комисија за политички систем и односи меѓу заедниците.
Членовите на Комисијата ќе расправаат и за Предлог – законот за лобирање во прво читање чија цел, како што е наведено во образложението, е транспарентност на процесите на подготвување, донесување и изменување на јавни политики односно програми, закони, подзаконски или други општи акти. Носењето на овој закон е со цел и за поефикасна превенција на корупцијата.
