Претседателот Стево Пендаровски, во рамки на официјалната посета на Црна Гора, денеска во Цетиње се сретна со Дритан Абазовиќ, заменик премиер и мандатар за состав на нова Влада на Црна Гора при што размениле мислења за севкупните билатерални односи меѓу двете држави, нагласувајќи ја можноста за зајакнување на економската соработка.
Како што соопштија од кабинетот на Пендаровски, на средбата исто така биле разговарани прашања за европската перспектива на двете земји, како и за актуелните состојби во поширокиот регион, во контекст на руската инвазија врз Украина.
Претседателот Пендаровски, се посочува, истакна дека Македонија со особено внимание ја следи политичката состојба во Црна Гора и посакува што побрзо формирање на новата Влада.
