Претседателот Стево Пендаровски денеска го прими надбискупот Пол Ричард Галагер, ватиканскиот секретар за односи со државите.
Како што соопштуваат од Кабинетот на претседателот, на средбата биле разменети мислења за севкупните односи меѓу Северна Македонија и Светиот Престол, кои ги поврзуваат длабоки историски врски и меѓусебно разбирање. Исто така, изразено е задоволство од зголемената динамика на средби и посети на високо ниво.
На средбата, како што посочуваат, се разговараше и за тековните иницијативи во насока на унапредување на меѓусебната соработка.
Претседателот Пендаровски истакнал дека католичката заедница во Северна Македонија, иако мала по бројност, е високо почитувана и е важен дел од македонското мултикултурно и мултиконфесионално општество.
