Во пресрет на големиот српски празник Свети Сава, претседателот на Српската демократска странка Иван Стоиљковиќ, во интервју за Лидер, порача дека владата слабо води сметка за правата на 50.000 Срби во Македонија.

„Во наредниот период, било која влада во Република Македонија, доколку не води сметка на остварувањето на тие политички интереси на српската заедница во Република Македонија, нема да може да смета на гласовите на Србите во Македонија. Да ве потсетам, во Rепублика Македонија живеат околу 50.000 Срби”, изјави Стоиљковиќ за Лидер.

Националниот празник на Србите во Македонија оваа година ќе се одбележи со повеќе манифестации во Тетово, Кумановo, Битола и вечерва во Скопје, во Македонскиот народен театар. На централната манифестација, Светосавската акаедмија, ќе се обрати техничкиот премиер Оливер Спасовски, а ќе присуствуваат делегациии од Србија и од Република Српска. Највисок гостин е членот на Претседателството на Босна и Херцеговина, Милорад Додик, со кого власта според позвнавачите ан состојбите, прави предизборен флерт кон Србите, сакајќи на крај на мандатот да и се приближи на заедницата која ја маргиналзираше изминатите три години.