сабота, 30. декември 2023. Вести денес: 0
home Вести

ВМРО-ДПМНЕ: Што треба да се случи за да Спасовски чувствува одговорност, власта знаела дека ќе бега и не го спречила, оставка веднаш!

ВМРО-ДПМНЕ: Што треба да се случи за да Спасовски чувствува одговорност, власта знаела дека ќе бега и не го спречила, оставка веднаш!

Нека се прибере Спасовски и нека не глуми лудило. Сега испаничениот Спасовски е најголемиот виновник за бегството на Мијалков. Оливер Спасовски во патетична и панична прес конференција призна дека Мијалков и поминал на полицијата пред нос, дека власта знаела дека ќе бега и не го спречила, стои во реакцијата на ВМРО-ДПМНЕ на прес конференцијата на Оливер Спасовски.

Од партијата велат дека Спасовски денес кажа тоа што Русковска вчера го изјави.

– Власта знаела цели два дена дека Мијалков ќе бега и не преземала ништо за да го спречи. Според изјавата на Спасовски, Мијалков бил комотен и се шетал сосема слободно, за да и побегне на полицијата во 5 до 12. Самиот факт што тоа е така, значи дека Мијалков е брифиран за секое движење и секоја акција од страна на врвот на власта. Што чекал Спасовски два дена, и зошто дозволил Мијалков слободно да се шета низ Скопје и да го планира своето бегство. Мијалков не можел да избега без помош од Спасовски, особено ако се точни наводите на самиот Спасовски дека Мијалков бил цело време следен од полиција. Тука Спасовски сам падна во замка во обид да се вади. Исплашениот Спасовски наместо да се правда, веднаш да понесе одговорност. Да признае вина и да си даде оставка, посочуваат од ВМРО-ДПМНЕ.

Најнови вести