Градоначалниците на ВМРО-ДПМНЕ изминатата година покажаа дека со многу работа и труд може многу да се промени и да се постигне. Преку реализација на голем број на проекти од интерес на граѓаните и подобрување на секојдневното живеење се покажа дека не се сите исти, додека едните крадат и лажат, градоначалниците на ВМРО-ДПМНЕ со посветено работење донесоа подобра иднина за граѓаните, велат од ВМРО-ДПМНЕ.

Партијата преку проектот „Твојата идеја за промени“ им нуди можност на граѓаните да ги предложат своите идеи и проекти кои би сакале да се реализираат, се со цел заеднички да се планира развојот на општините.

Во следните два викенди, на 3ти и 4ти декември, како и на 10ти и 11ти декември, од 11 до 14 часот, граѓаните ќе може да предложат проекти и идеи кои ќе бидат вклучени за буџетска 2023 година. На сите граѓани ќе им бидат презентирани и плановите и проектите кои веќе се испланирани за следната буџетска година од страна на градоначалниците.

Воедно, граѓаните ќе можат и по електронски пат на веб страната http://budzet.mk да ги достават своите предлози кои подоцна ќе бидат разгледани од стручни и професионални лица.

-Со ова се нуди можност на сите граѓаните да учествуваат во креираат на проекти финасирани од општинските народни пари и да се зајакне учеството на граѓаните во локалните политики. Градоначаниците на ВМРО-ДПМНЕ се фокусирани на создавање на модерни и европски општини. ВМРО-ДПМНЕ е партија која ги отвора вратите и преку заедничко делување, посветено, одговорно, со многу работа создава подобра иднина и надеж за сите граѓани. Креираме буџети согласно потребите и приоритетите на граѓаните. Буџет од народот за народот. Предложи ја твојата идеја за промените! Биди дел од промените што носат иднина, се вли во соопштението на партијата.