На денешната прес-конференција премиерот Зоран Заев рече дека Владата одлучила да ги прифати препораките на Комисијата за заразни болести за нов пакет рестриктивни мерки за периодот од 18ти декември до 20ти јануари со цел да се избегне зголемување на бројот на заболени од Ковид-19 во тековните празници.

Мерките вклучуваат забрана за работење на угостителските објекти по 18 часот, забрана за организирање на предновогодишни прослави, како и прослави за Нова година, забрана за собири на отворен или затворен простор, верски собири за време на Божиќните празници, и истите ќе траат од 18ти овој месец па се до 20ти јануари на полноќ.

„Мерките се однесуваат за ограничување на работното време на угостителските објекти, за организирање предновогодишни и новогодишни прослави. Владата донесе одлука угостителските објекти да работат до 18 часот. Да не дозволиме заради празнување да предизвикаме ескалација. Мерката носи име „Празнувај одговорно“, рече Заев.