Цела ноќ гореше пожар на потегот помеѓу македонските градови Делчево и Пехчево. Утрово го гасеа хеликоптери на Армијата, но истите беа повлечени да гасат во Богданци, па поради ветрот пожарот повторно се разгорел.
Денес попладне повторно се разгоре пожарот во маалото Пајсак во делчевското село Нов Истевник, а дел од населението било евакуирано во пониските делови на почетокот на селото.
Граѓани во солзи велат дека нема кој да им помогне- го бараат премиерот Зоран Заев и помош за справување со огнената стихија која е на 50 метри од нивиот имот.
