Интензивни водоводни и канализациски активности се одвиваат во Кавадарци. Почна реконструкцијата на фекалната и атмосферска канализација на улицата „4 Јули“.
– Завршивме со реконструкција и на улицата „Клинска“. Се продолжува со поврзување на корисниците на Западен булевар на нова водоводна линија и со реконструкција на фекална и атмосферска канализација на улицата „Брушанска“. Секојдневно се вршат интервенции на фекалната мрежа во градот и околните села, изјави раководителот на организациската единица за водовод и канализација при Јавното претпријатие „Комуналец“ Бојан Атанасов.
Тој додаде дека се изведуваат нови приклучоци за наводнување на зелените површини во градот, почна изведбата на нови решетки на улицата „Методија Џунов-Џикот“, а продолжува и чистењето на наполнетите сливници.
МИА
Поврзани вести
Членовите на Надзорниот и Управниот Одбор на Водовод, со поддршка за Претседателот на УО, кои денес заедно со него беа нападнати во просториите на претпријатието
Приведени разбојници во Кавадарци
