Новиот градоначалник на Велес, Марко Колев денеска изврши увид во градежните работи во Горно Оризари, каде започна реконструкцијата на плоштадот во селото.
„На терен, работниците од Друштвото за градежништво „ИЗГРЕВ ИНЖЕНЕРИНГ ДООЕЛ Велес“, со машини го гребеа постоечкиот асфалт. Во следната фаза од градежните зафати ќе се постават уличните рабници, ќе се нивелираат капаците на постоечките шахти и потоа ќе се асфалтира плоштадот и улицата.
Реконструкцијата на плоштадот во село Г. Оризари се реализира со средства од буџетот на Општина Велес во висина од 2.355.280 денари со вклучен ДДВ“, истакна тој.
Според договорот, рокот за изведување на градежните активности е еден месец, по што жителите на ова населено место ќе добијат комплетно уреден плоштад.
Поврзани вести
Граѓаните речиси секој ден краделе новозасадени садници и млади дрвца, општина Велес и ЈКП„Дервен“ со апел до нив
Во Велес и велешко започна теренската вакцинација на невакцинирани деца од претшколска и школска возраст во рамките на кампањата „Од врата до врата“
