Општина Гевгелија за првпат е најтранспарентна општина во Република Македонија според најновата анализа на Центарот на граѓански организации.
Според годишното рангирање на институциите според Индексот на активна транспарентност, од вкупно 98 институции, Општина Гевгелија е прогласена за најтранспарентна од редот на општините и трета од редот на сите институции заедно со општина Велес.
Изминатиот период се направени неколку реформи во делот на јавното информирање, нашата цел е секоја информација без исклучок да стигне до секој граѓанин навремено и точна. Со проактивното објавување информации од секаков тип, нашата институција се најде на првото место.
Најдобрите две општини, Гевгелија и Велес имаат активна транспарентност од 99% и го делат третото место на вкупната ранг-листа на сите институции, пишува на социјалната мрежа на Фејсбук градоначалникот Андон Сарамандов.