Шеесет и шестгодишен неготинец бил каснат од змија утрово додека работел во лозјето. Од Здравствен дом Неготино потврдија за МИА дека во установата бил донесен пациент роден 1952 година, кој имал змиско каснување. Лицето примило серум и со службено возило било пренесено во кавадаречката болница, каде било задржано.
Пред неколку дена, неготинка исто така беше касната од змија додека работела во лозовиот насад.
Познавачите на состојбите велат дека во овој период од годината змискиот отров е најсилен.
Според хирургот Дано Кулев, по околу седум каснувања од змии има годишно во Тиквешко. Тој апелираше на внимателност, нагласувајќи исто така дека змиите не напаѓаат сами од себе, туку само ако се почувствуваат загрозени.
Поврзани вести
Хроника
Кривична пријава за „демнење“ за неготинец кој ја вознемирувал поранешната вереница
Живот и стил
ШТО ЗНАЧИ ДА СОНУВАTE ЗМИЈА? Ако сте ја виделе во ваква состојба, тоа е лош знак, ви се заканува опасност, а само таа носи среќа!
Вести
