Општина Тетово денеска реагираше на загаденоста на воздухот што денеска го зафати полошкиот регион, од каде ги повикуваат граѓаните да избегнуваат излегување на јавни места.
„Од утрото се чувствува дека животната средина во Тетово е загадена. Станува збор за опожарување на депонијата во Општина Бервеница. Поради загадувањето избегнувајте излегување на јавни места и останете во затворени простории.
Апелираме до граѓаните да бидат одговорни и внимателни. Не фрлајте ѓубре на несоодветни места и не го палете.
Здравјето и чистата животна средина се важни за сите нас. Да се грижиме и да бидеме одговорни“, се вели во известувањето на општина Тетово.
Претходно тетовските пожарникари ги повикаа граѓаните да не излегуваат надвор, поради големата загаденост на воздухот од пожар во општина Бервеница!
