Општина Велес информира дека утре од 5 до 6:30 часот наутро ќе се изведе трето авионско прскање против комарци.
Како и изминатите две прскања и со ова ќе бидат опфатени езерото „Младост“, селото Отовица, месноста Јарбош, по течението на Вардар од север од Башино Село низ градот се до вливот на реката Бабуна и селото Горно Караслари. На запад со прскање ќе бидат опфатени населбата Превалец, населбата Керамидна, фабриката „Киро Ќучук“ и селото Горно Оризари.
Општина Велес апелира до пчеларите од овој реон во времето на третирање и три-четири часа потоа да ги затворат кошниците со пчели поради можноста од влијание на средството со кое се врши третирањето врз безбедноста на пчелните семејства.
Во случај на врнежи од дожд, прскањето ќе биде одложено за наредниот ден, петти август.
Поврзани вести
Граѓаните речиси секој ден краделе новозасадени садници и млади дрвца, општина Велес и ЈКП„Дервен“ со апел до нив
Во Велес и велешко започна теренската вакцинација на невакцинирани деца од претшколска и школска возраст во рамките на кампањата „Од врата до врата“
