Тоа се 9.000 илјади евра за вработување на партиски кадар.  Медиумите открија шема за тоа како власта ги вработува своите партиски послушници без објавување на оглас. Имено, како е најлесно да вработите партиски кадар на СДСМ, а тоа да не биде на оглас ? Одговорот е многу едноставен. Прво ангажирајте го со договор на привремено вработување, па после 3 месеци вработете го со договор на неопределено, анализира Економски.мк.

Разликата помеѓу редовното вработување и она што е со привремено вработување е што секој што сака да се вработи во државната администрација треба прво да се пријави на оглас за чие одобрување треба да даде министерот за финансии и да се поминат сите филтри како интервју за работа и исполнување на одредени критериуми и стандарди.

Но кај оние со привремени вработувања доволно е да се ангажира Агенција за привремени вработувања, која оди во ставка “услуги“ на која ќе и се се исплати одреден надоместок за нејзината улога и толку. Други критериуми и квалификации не се потребни.

Додека  се бркаат постоечките лица кои се на договор за привремени вработувања  се вработуваат нови лица,  кои се партиски кадри и партиски послушници.

Сегашната влада кога беше опозиција постојано зборуваше за пренатрупаност на администрацијата која е товар на буџетот додека сега се вработуваат партиски послушници и луѓе без соодветни квалификации во државните институции. Со ова се оптоварува буџетот додека со вработување на несоодветен кадар се намалува продуктивноста и ефективноста на институциите.

ИЗВОР-ЕКОНОМСКИ.МК