Утрово градоначалникот на општина Гази Баба Бобан Стефковски на својата официјална страна на Фејсбук објави дека изградбата на новиот спортски комплет во населеното место Стајковци влегува во завршна фаза.
Во објавата на Фејсбук, Стефковски пишува:
-Стајковци добива нов спортски комплекс „Иван Илиев“.
Во завршна фаза е изградба на новиот спортски комплекс во Стајковци во кој се гради спортски терен на подлога од вештачка трева, како и ново кошаркарско игралиште на подлога од асфалт.
Истовремено извршивме и реконструкција на детското катче кое во рамки на спортскиот комплекс.
Овој спортски комплекс ќе го носи името на Иван Илиев, дете од населеното место Стајковци кое го загуби животот во поплавите во 2016та година, напиша Стефковски.
