Пејачката Ана Севиќ прв пат се појави во јавноста откако нејзиниот поранешен сопруг доживеа тешка сообраќајна несреќа.

Таа во емисијата кај Огнен Амиџиќ таа го откри односот со родителите на Дарко, девојката Марина, како и за животното осигурување на пејачот, кое некои медиуми објавија дека пејачката го барала по несреќата.

-Јас го плаќав животното осигурување за Дарко како и за целото семејство и мислам дека седум дена по несреќата ми се јавија од осигурителната компанија да видат што се случува. И кога дознаа како настанала несреќата, добивме информација дека од тоа нема ништо. Мајката на Дарко ми се јави тој ден и ме праша што се случува со тоа животно осигурување, јас и реков што ми рекоа од компанијата, вели Ана.

Таа заклучи дека осигурителната компанија не може да ги покрие трошоците за лечењето на Дарко поради условите во кои се случила несреќата, рече и дека по несреќата е во лоши односи со неговото семејство и девојка.