Српската пејачка, Анастасија Ражњатовиќ пред неколку дена го имаше својот прв професионален настап кој ќе остане запаметен уште по една работа.

Анастасија на 12-ти март го имаше својот прв солистички концерт по четири години, онолку колку што е присутна на музичката сцена.

Пејачката блескаше на сцената во еден клуб во Париз и сите беа воодушевени од нејзиниот настап, но едно младо момче се издвојуваше:

– Висок, згоден и млад, убаво облечен, со огромен букет со ружи ја слушаше и гледаше Анастасија како маѓепсан. Кога заврши настапот, Анастасија беше пречекана од фановите кои сакаа да се фотографираат со неа, а таа трпеливо делеше автограми и се фотографираше со сите. Во редот стоеше и момчето со букетот. Се очекуваше дека ќе и го даде букетот и ќе сака да се фотографира со неа, меѓутоа кога стигна на ред, тој и ја бакна раката, се престави и ја запроси. И рече дека е воодушевен од неа, нејзиниот лик и дело, долго ја прател по медиумите и дека сака остатокот од животот сака да го помине со неа, рече извор за српските медиуми.

Изворот потврди дека присутните биле шокирани, а Анастасија не се збунила ниту во еден момент, па ја прифатила играта.