Селена Гомез ја надмина Кајли Џенер и повторно стана најследената жена на Инстаграм.
Поранешната ѕвезда на Дизни собра 381 милион следбеници на социјалната мрежа, надминувајќи ги 380-те милиони на Кајли.
Селена (30) претходно беше најследената жена на Инстаграм во 2019 година пред Аријана Гранде да ја победи на позицијата, а Кајли (25) подоцна ги престигна.
Многу од обожавателите на пејачката се радуваа на веста, прогласувајќи ја Селена за „кралица на Инстаграм“.
Еден корисник на Твитер напиша: „Селена Гомез повторно е најследената жена на Инстаграм. Кралицата се врати!’
Иако има милиони следбеници, Селена неодамна изјави дека се повлекува од социјалните мрежи и ја има само апликацијата TikTok на нејзиниот телефон.
Пејачката додаде дека е повредена од „злобните“ коментари , а исто така смета дека користењето на платформите премногу е „губење време“.
-Луѓето можат да ме нарекуваат грда или глупава, а јас сум каква што сум. Но, овие луѓе се детализирани. Тие пишуваат параграфи кои се толку специфични и злобни. Постојано плачев. Постојано имав анксиозност… не можев повеќе. Беше губење време. Има прекрасни работи за социјалните мрежи – поврзување со фановите, гледање колку се среќни и возбудени. Но, обично тоа се филтрира, за мене сега. Создадов систем. Сè што правам го испраќам до мојот асистент кој ги објавува. Што се однесува до коментарите, мојот тим ќе состави неколку работи кои се охрабрувачки, истакна Селена.
Таа сега создаде „систем“ каде што има асистент кој служи како бариера помеѓу неа и коментарите.
