Романа Паниќ (45) е уапсена во Австралија со вереникот Филип М. (40) поради кражба на банкомати, заради која е осудена на 12 месеци казна затвор. Таа сега се наоѓа во затвор во австралискиот град Бризбејн.

Прв пат после скандалот кој ја шокираше јавноста, на профилот на Романа била прикачена објава која набргу исчезнала.

Имено, таа ја споделила објавата на една женска личност, за која се претпоставува дека се многу блиски, со оглед на начинот на кој ја брани.

Во таа објава, таа женска личност напишала: “Гледајте си ја вашата работа”, а во продолжение на текстот тврди дека новинарите пишуваат глупости, притоа навредуваат и потоа споменува и “режирање на приказната”, веројатно со цел да нагласи дека нешто не е вистина.

Романа после полноќ, оваа објава ја сподели на својот Инстаграм стори, а набргу истата објава била избришана.