Во неделата се одржа церемонијата на доделување на наградите на Screen Actors Guild (SAG), за најдобрите остварувања на годината во филмот и телевизијата.
На црвениот тепих зачекорија бројни холивудски ѕвезди, меѓу кои и актерката Зендаја, која беше номинирана за улогата во серијата „Еуфорија“.
Младата актерка, која веќе ја носи титулата модна икона, и овој пат не разочара со изданието.
Таа на доделувањето пристигна во розов свилен фустан со корсет. Станува збор за креација на модната куќа Валентино. Благодарение на долниот дел кој е покриен со рози со различни големини, од помали до поголеми, вкупно 190, има и драматично влечење.
Актерката го комплетираше изданието со шарен накит од модната куќа Булгари. Таа носеше дијамантски ѓердан со накит во различни бои како и дијамантска нараквица.
Косата ја стилизираше во гламурозни бранови, и носеше елегантни обетки.