Марија Шерифовиќ преку „Инстаграм“ ги забавуваше своите илјадници фанови пеејќи познати песни од овој регион, а во еден момент во етер ѝ се приклучи првиот светски рекет.
Таа ја запеа песната „Пукни зоро“, а потоа се случи нешто што никој не го очекуваше.
Во кадарот на Марија се вклучи Новак Ѓоковиќ, а фановите беа воодушевени што ги гледаат заедно во ист кадар.
„Сфаќам дека ова никој не го очекуваше. Добра ли е песнава? Новак, добар ли си?“, му се обрати Шерифовиќ на Новак.
-Се распеав овде во теретаната. Секој на своето работно место. Ти благодарам. Супер сум, ми ја разубави вечерта. Во Шпанија сум моментално, рече Новак.