Ќерката на познатиот американски актер Мигел Сервантес почина на три годишна возраст, а тажната вест за нејзината смрт ја сподели неговата сопруга на социјалните мрежи.
-Апаратите не работат. Нејзиниот кревет е празен. Тишината преовладува. Аделаида не напушти во неделата наутро. Отиде во мир, ја ослободи болката и нападите, но нашите срца се скршени. Неописливо те сакаме и за секогаш ќе те сакаме, напиша мајката на починатото дете, а набрзо и актерот ја пренесе оваа вест.
Ќерката на актерот инаку се бореше со епилипсија од седмиот месец од својот живот, а неговата сопруга редовно на својот блог пишуваше за борбата која ја претрпува нејзината ќерка.