По разделбата со Џулија Фокс, Канје Вест испрати камион црвени рози на поранешната сопруга Ким Кардашијан за Денот на вљубените.

44-годишниот рапер, кој минатата година се раздели од ѕвездата на реалити-серијалот „Дружење со смејството Кардашијан“ по седум години брак, сподели фотографија од камионот со натпис за неговата „визија“.

„Мојата визија е кристално јасна“ пишува на возилото што го достави директно во домот на Ким.

Фотографиите на неговиот Инстаграм-профил беа споделени само неколку часа откако беше потврдено дека Канје повеќе не е со ѕвездата на Uncut Gems, Џулија Фокс (32), со која беше во врска од јануари.

Претставник на актерката изјави за „Е! Вести“: „Џулија и Канје остануваат добри пријатели и соработници, но веќе не се заедно“.

Во објавата на Инстаграм, Канје напиша: „Јас немам караници со Ким. Јас го сакам моето семејство, затоа престанете со наративот дека се откажувам од семејството. Верувам дека повторно ќе бидеме заедно.“