Порталот „Србија Данас“ ексклузивно дознава од многу блиски извори на семејството Џогани дека ријалити победничката Луна Џогани е примена во болницата „Народен фронт“ а пораѓајот се очекува секој момент.

Луна и Марко Миљковиќ се одлучија дека ќерката ќе ја крстат Миа, а сите во семејството со нетрпение го чекаа овој ден.

Луна едвај го чекаше овој момент, а во прилог на тоа зборуваат и нејзините објави, кои ги објави на својот Инстаграм профил последните неколку дена.

Сите нејзини фотографии во изминатите неколку дена беа посветени на бебето и начинот на кој таа се подготвува за доаѓањето на нејзината ќерка, а во објавите и се обрати директно на Миа, велејќи дека едвај чека да ја земе во раце.

Како што дознава „Србија Данас“, семесјтвото Џогани, таткото Марко Миљковиќ и нивните најблиски пријатели се собрани и со нетрпение ги очекуваат среќните вести, и се подготвени да прослават како што треба.

Да потсетиме, Марко сакаше да присуствува на породувањето, но поради состојбата со коронавирусот не доби дозвола од докторот за тоа.