Ѕвездата на серијата „Saved by the Bell”, актерот Дастин Дајмонд, почина на 44-годишна возраст по борба со рак.
-Тажни сме што треба да ја потврдиме веста дека актерот Дастин Дајмонд почина во понеделникот, се вели во изјавата на продуцентот на популарната серија.
-Дастин почина од рак. Му беше дијагностицирана оваа немилосрдна форма на малигнен карцином пред само три недели, а за кратко време болеста се прошири низ неговото тело, а наскоро следеше смрт. Дастин, ако ништо друго,барем не патеше, се наведува во соопштението.
Да потсетиме, актерот Дастин Дајмонд е најпознат по улогата на Скрич во популарната серија „Saved by the Bell”.
