Северина Вучковиќ јасно одговори на гласините дека е во емотивна врска со српскиот продуцент Филип Милетиќ.

Северина во интервју за порталот Кликс.ба зборуваше за нејзината наводна љубовна врска со Милетиќ, како и за тоа каде планира да ја помине Новата година, за новиот албум, но и за своето сакано Сараево каде сакала да студира, и неговите познати ќебапи.

За наводната врска со Милетиќ се зборува долго време, но таа истакнува дека врската останала само пријателска.

– Јас и Филип не сме во врска, не шетаме. (се смее) Едноставно не сум прочитала вести долго време, но моите пријатели ми кажуваат што пишуваат, а потоа, кога го видовме насловот „Како понатаму“, се насмеавме затоа што, добро, ја завршивме плочата и сега како демек ќе раскинеме… Сепак, нашата соработка трае веќе 10 години, веројатно мојот развод го поттикна сетоа ова, но е толку погрешно. Воопшто не ме прашуваат дали е вистина или не, но подобро е да пишуваат за тоа отколку за некои тешки работи за кои се пишувало – тврди Северина.

Освен за „љубовта“, пејачката зборуваше и за синот Александар и плановите за Нова година.

– Александар ќе го помине Божиќ со мене, имаме прекрасни зимски одмори и тука е мајка ми. Ќе бидат со мене во Загреб, а потоа ќе одиме во Плитвице на неколку дена и потоа во Црна Гора за дочек на Новата година – изјави Северина.

Таа во разговорот открила и дека имала голема желба да студира во Сараево, но дека никогаш не студирала.

– Мојата единствена желба беше всушност да студирам во Сараево. Но, бидејќи тогаш имаше војна, а јас почнав да пеам веднаш штом завршив средно училиште, таа желба никогаш не ми се исполни – изјавила пејачката.