Познатата актерка Анџела Ленсбери почина на 96 годишна возраст. Информацијата за смртта на актерката која ја обожуваа генерации низ нејзините неверојатни улоги, ја соопшти нејзиното семејство.
-Децата на Анџела Ленсбери со тага објавуваат дека нивната мајка почина мирно во сон во својот дом во Лос Анџелес во вторникот на 11 октомври, само пет дена пред својот 97 роденден, изјавиле од семејството.
Своите пејачки способности од Бродвеј ги пренесе во анимираниот филм „Убавицата и ѕверот“ каде го позајмуваше гласот на Госпоѓа Чајник.
Најмногу ја паметат по улогата на Џесика Флечер во серијата „Убиство, таа го напиша“. Серијата се емитуваше 12 сезони од 1984 до 1996 година.
