На 76-годишна возраст почина познатиот американски актер Роберт Боб Лупоне, објавија денеска медиумите во САД.

Како причина за смртта се наведува рак на панкреасот, со кој актерот се бореше три години.

Лупоне стекна популарност со улогата на семејниот лекар на мафијашкиот бос Тони Сопрано во познатата серија „Сопранови“.

Тој е еден од основачите на влијателната оф-Бродвејска театарска куќа „МЧ Театар“, која ја водеше речиси 40 години.

Во официјалното соопштение на театарот се наведува дека Боб „живеел бестрашно и со голема љубопитност, добар хумор, безгранична страст за поврзување и многу срце“.

– Ќе ни недостига длабоко и секогаш, се наведува во соопштението.

Лупоне ќе остане запаметен и по улогите во популарните серии „Сексот и градот“, „Водечка светлина“ и „Сите мои деца“.

Фановите на „Сопрановите“ ќе ја паметат неговата работа како д-р Брус Кузаман – семејниот лекар и соседот на Тони.