Пејачот Дарко Лазиќ кој доживеа тешка сообраќајна несреќа се уште оздравува во болница во Земун.

Како што пренесуваат српските медиуми пејачот почнал да соработува со докторите за да може побрзо да излезе од болница.

Меѓутоа, пејачот деновие има голема причина за мотивација и радост. Односно неговата свршеница Марина е бремена.

Марина Гагиќ откри дека Дарко многу се возбудил кога дознал дека во јуни ќе стане татко по вторпат.

„Не знам како, но јас чувствував, но и Дарко, дека во мене постои живот. Чувствуваме дека наскоро ќе станеме родители. Тоа на Дарко му даде голема сила за да оздрави и голема желба повторно да застане на нозе“ вели свршеницата на пејачката.

Таа вели дека нема типични симпотми поврзани за бременоста.

„Немам никакви непријатности. Одлично се чувствувам. Апсолутно, не ми е важно каков ќе биде полот на бебето, нека биде живо и здраво. Млади сме и најубавите улоги дојдоа во вистинско време, да заборавиме на ужасот низ кој поминавме“ вели Гагиќ.

За потсетување, Дарко веќе има една ќерка од бракот со пејачката Ана Севиќ.