Британски The Sun објавил детали од прославата на полнолетството на младата Луиза Розова во срцето на Москва, за која западните медиуми неодамна објавиле дека е вонбрачна ќерка на Путин, што Кремљ демантирал.
Русинката Јелисавета Владимировна Кривоногих, за која западните медиуми неодамна објавиле дека е вонбрачна ќерка на рускиот претседател Владимир Путин, го прославила 18-тиот роденден во полн руски клуб и покрај пандемијата на коронавируост, каде таа била и главен ди-џеј.
Младата богаташка на социјалната мрежа Инстаграм се пофалила со низа фотографии како се забавува со своето друштво, но и снимки од лудата забава, алкохол и гласна музика, па на британскиот Sun не му требало многу за да ја објави таа приказна за девојчето познато и како Луиза Розова.
Како што навеле, „само ќерката на Путин може без проблем помпезно да го прослави полнолетството и покрај пандемијата“.
Луиза по повод сите тие натписи на Инстаграм се огласила со коментар дека на прославата дошла со едноставно жолто такси.