Објавен е трејлерот за третата сезона на реалното шоу „The Kardashians“, а во една сцена Ким е прикажана како хистерично плаче.
Многумина претпоставуваат дека Ким плаче поради раскинувањето со Пит Дејвидсон, со кој беше за време на снимањето на третата сезона.
-Денес е толку тежок ден, вели Ким во трејлерот додека сестрата Клои се обидува да ја утеши.
За потсетување, Ким Кардашијан и Питер Дејвидсон решија да ја прекинат врската во август минатата година по девет месеци.
Тие двајца се запознаа на снимањето на Saturday Night Live и беа неразделни. Според извори на американските медиуми, тие решиле да се разделат откако Пит решил да се пресели во Австралија за улога во нов филм.
-Пит е тотално спонтана личност и во моментот сакаше Ким да одлета кај него во Њујорк. Таа има четири деца и не е така лесно, мора да се фокусира на нив, изјавил тогаш извор за локалните медиуми.
