Фолкерот Дарко Лазиќ, пет години по тешката сообраќајна несреќа што ја преживеа, се присети како за влакно ја избегна смртта и што му се случило во текот на 23-те дена поминати во кома. Тој, како гостин во една емисија, за прв пат ги опиша сцените и привиденијата што ги имал додека бил на апарати за одржување.

-Имав сообраќајна несреќа во октомври 2018 година и буквално бев отпишан по неколку часа. Целосно потонав. Два месеци бев во болница. Да не зборуваме за повредите, кои се страшни: 12 скршени ребра, скршен колк, карлица, граден кош, хематом на глава, слезина, бубрег… Еден месец дишев на машини. Бев во кома 23 дена. Тоа е многу чудна работа. Нон стоп имав во главата и видов некои бели или светло сини завеси кои постојано беа таму, летаа. Видов и некои луѓе кои воопшто не ги познавам. Малкумина го знаат тоа, а сега го кажав. Тие 23 дена траеја како да легнав и спиев и се разбудив следниот ден, откри Лазиќ.

„Бев клинички мртов, во кома. Знам дека ме реанимираа. Тоа подоцна ми го кажаа, па има нешто сигурно“ – истакна фолкерот во една емисија.

Потоа објасни што му донела несреќата.

-Лошата страна е што бев многу повреден и уште имам проблем со ногата и тие повреди. А добрата страна на мојата несреќа е што конечно видов кој не ми треба во животот и научив што не сакам и што сакам, рече тој.

Посебен шок доживеал кога лекарите му соопштиле дека постои можност никогаш повеќе да не оди.

-Целото тоа опоравување траеше околу еден месец, се здебелив многу, навистина се здебелив. Потоа ми рекоа дека можеби никогаш нема да можам да застанам на нозе. Се чувствував многу безвредно и јадев многу на дневна основа. После тоа се оперирав, се се подобри, ослабев многу, подготвен да се појавам посилен од било кога, изјавил пејачот во една емисија.

Да потсетиме, несреќата се случила на патот Суботиште-Брестач, кога Дарко се враќал од прослава. Пејачот излетал од патот и неговиот автомобил се превртел на покривот. Лазиќ потоа бил префрлен во КБЦ Земун, каде му биле констатирани тешки физички повреди, поради што му бил загрозен животот.

Три часа по несреќата, на пејачот му бил направен алкотест, кој покажал дека има 1,39 промили алкохол во крвта, како и дека не носел појас во моментот кога автомобилот излетал од патот во ливада и неколку пати се превртел.

Исто така, возилото го управувал без возачка дозвола, која претходно му била одземена поради прекршоците кои ги направил.