Втората сезона од реалното шоу „Задруга“ ја одбележа емотивната врска меѓу Луна Џогани и Марко Миљковиќ која продолжи и по завршувањето на овој проект.

Кон средината на декември, парот одлучи да се раздели, пред се поради преголемиот медиумски и притисок од обожавателите и оние кои помалку ги сакаат.

Речиси два месеци по крајот на нивната врска, Миљковиќ одлучи да се врати на местото каде се започна и најавува дека ќе биде победник на оваа сезона на Задруга.

Тој вчера повторно ги мина портите на големиот имот и стана полноправен учесник во третата сезона на ова реално шоу, каде меѓу другите натпреварувач е таткото на Луна, Гаги Џогани.

Двајцата имаат одличен однос, а дали по завршувањето на шоуто и смирување на страстите, Луна и Марко повторно ќе им се препуштат на чувствата кои се уште ги имаат еден кон друг, останува да видиме. Секако, Марко ја има нејзината поддршка за неговото повторно учество во шоуто.