Милијардерот и основач на компанијата Мајкрософт, Бил Гејтс ќе соработува со организацискиот комитет на Олимписките игри во 2020 година, кои ќе се одржат во Токио.
Заедно со организаторите и јапонската спортска централа, американскиот бизнисмен и програмер ќе се занимава со реализација на целите на ОН во Јапонија.
Бил Гејтс рече дека благодарение на Олимпијадата, Јапонија може да почне да се развива и во други сфери. Користејќи го спортскиот настан, милијардерот ќе се бори против сиромаштијата, гладот и климатските промени.
Веќе има поставено 17 цели, кои се очекува да се развијат. Бил Гејтс сé уште не ги открил сите негови планови, но проектот ќе започне во 2019 година.
МИА
