Новак Ѓоковиќ дозна кој ќе му биде противник во полуфиналето на „Вимблдон“. Тоа е деветтиот носител, британскиот претставник Камерон Нори, кој исто така по голема борба го совлада искусниот Белгиец Давид Гофан со 3:2, по сетови 3:6, 7:5, 2:6, 6:3, 7:5 по три и пол часа.
Победата на британскиот тенисер значи само едно, во петок во полуфиналето Новак ќе се соочи со најсилниот притисок од трибините од почетокот на овој турнир, но тој веќе долго време е навикнат на тоа, не само на грен слем турнирот во Лондон.
Ова е најголемата победа во досегашната кариера на Камерон Нори на овој турнир, а впечаток е дека Гофан ќе има многу причини да се прашува како ги пропуштил големите можности кои ги имаше на овој меч.