Хуан Мартин Дел Потро поради проблеми со коленото и три оперативни зафати направи долга пауза од тениските терени.
Последен пат Аргентинецот се појави на турнирот во Квинс 2019 година.32-годишникот не е подготвен да стави крај на кариерата и планира да се врати на Олимписките игри во Токио.
„Мислам дека ова е моја година. Олимписките игри ме влечат да се вратам, тоа е мотивацијата што ја имам. Коленото ми предизвикува многу главоболки, сè уште не можам да ја затворам својата приказна. Се чувствувам како да имам повеќе да дадам и затоа ќе продолжам да се обидувам.Понекогаш се сомневам, а друг пат е тешко да го замислам кам-бекот, но чувствувам дека има нешто во мене и затоа продолжувам да се борам“, вели аргентинскиот тенисер.
