Калин Ивановски се пласира помеѓу осумте најдобри тенисери на јуниорскиот дел од Грен слемот Вимблдон.
Македонецот попладнево со 2-1 го победи Едас Бутвилас од Литванија кој важеше за осми носител на турнирот.
Во меч што траеше два часа и три минути, Ивановски го загуби првиот сет со 4:6, во вториот возврати со 7:5, а во третиот доминираше и го доби со убедливи 6:0.
Противник на Ивановски во четвртфиналето ќе биде поуспешниот од дуелот Бор Артнак (Словенија) – Педро Роденас (Шпанија).
