Македонскиот тенисер Калин Ивановски на убедлив начин со две експресни победи стигна до четвртфиналето на фјучрсот во австрискиот град Крамсах.
Тој во мечевите од првите две кола загуби само четири од 28 одиграни гема. Во денешниот меч од второто коло го победи Австриецот Сил Гаџери со 2-0 во сетови (6-1, 6-2) за 52 минути.
Ивановски имаше четири ас сервиси, а противникот пет двојни сервис грешки, притоа нашиот тенисер реализираше пет од десетте брејк топки во мечот.
Во четвртфиналето кое е на програмата утре Ивановски ќе игра со победникот од мечот Сандро Кор.