Кина на претстојните Олимписки игри во Токио се очекува да испрати повеќе од 400 спортисти со што може да го повтори рекордот од Рио де Женеиро во 2016 година, јавија денеска кинеските медиуми.

Пласман на Игрите во Токио веќе обезбедија 318 спортисти за 224 натпреварувања во 30 дисциплини

Кина на Олимписките игри 2016 во Рио де Женеиро испрати рекордни 416 спортисти во 26 дисциплини и 210 натпреварувања.

Кина се надева на златните медали во нуркање, пинг-понг, стрелаштво, гимнастика и дигање тегови, а медали од кинеските олимпијци се очекуваат и во бадминтон, таеквондо, едрење, веслање, карате, во бокс и одбојка во женски конкуренции, како и во пливање и атлетика.

Очекувањата не ги исполни кинеската кошаркарска репрезентација, која за прв пат во последните 37 години не успеа да обезбеди настап на Олимписки игри.

Олимпијадата во Токио ќе се одржи од 23 јули до 8 август.