Петнаесетгодишниот Матео Причков денеска го освои првото место во категоријата кати, за кадети на возраст меѓу 14 и 17 години, на деветтото Шотокан Светско првенство што годинава се одржува во Истанбул.
Ова е трето светско првенство за Матео. Тој два пати беше трет, а годинава се искачи највисоко на пиедесталот. Со медали се закитил и на европско и на балканско првенство.
Матео е член на карате клубот „Јошитака“ од Скопје каде седум години тренира под раководство на Шихан Живко Тасевски.