Mакедонскиот тенисер Калин Ивановски денеска го започна настапот на турнирот во Ерусалим, Израел.
Нашиот натпреварувач со резултат 2:0 во сетови 6:3 и 6:3 го елиминираше домашниот тенисер Бен Веинтрауб.
Ивановски, кој е седми носител на турнирот, во осминафиналето ќе игра уште еден Израелец, Ејал Шиовиц.
Шиовиц на стартот беше подобар од својот сонародник Ори Барон со 2:0 во сетови 6:4 и 6:2.
Доколку се пласира во четвртфиналето, таму Македонецот ќе игра против Шај Бар Менахем (Израел) или четвртиот носител Даниел Цукиерман (Израел).
