Висината на наградниот фонд на Австралија опен во 2023 година ќе биде рекордна, објави официјалниот сајт на турнирот. Вкупниот награден фонд ќе биде 76,5 милиони долари.
Сумата е зголемена за 3,4 отсто во однос на лани.
Шампионите во женски и машки сингл ќе заработат по 2,975 милиони долари.
Победниците во машки двојки ќе добијат 695 илјади долари за двајца, исто толку ќе добијат и жените.
Шампионите во мешани двојки ќе заработат 157.750 долари.
Австралија опен ќе се одржи од 16 до 29 јануари 2023 година во Мелбурн.
