Пилотот на Мекларен, Даниел Рикирдо го сподели своето мислење за доминацијата сезонава на поранешниот партнер од Ред Бул, Макс Верстапен.

– Тој ја покажа својата брзина уште во 2016 година, ако не и порано. Но, во 2018 година, во првите четири или пет трки, тој направи доста грешки. Потоа брзо најде начин да се поправи и многу созреа. Според мене, во 2018 година тој направи голем скок од млад дечко до изградена личност. Гледајќи го сето она што го постигна, си велам: „Ако не јас, нека биде тој“. , изјави Рикардо за „Рејсинг њуз 365“.

Макс Верстапен може да ја освои шампионската титула веќе на следната трка од Формула 1 шампионатот за Големата награда на Сингапур.

Верстапен е на првото место во поредокот кај возачите со 335 бодови. На второто место е возачот на Ферари, Шарл Леклер 219 поени. Остануваат уште шест трки до крајот на сезоната 2022 година.

Големата награда на Сингапур ќе се вози од 30 септември до 2 октомври.