Романската тенисерка Симона Халеп нема да може да настапи на вториот грен слем турнир оваа година. Романката се повреди на турнирот во Рим, во мечот против Кербер и поради тоа нема да настапи во Париз.
-За жал, потребно ми е повеќе време да заздравам од повредата. Ова е единствената исправна одлука која морав да ја донесам. Тажна сум што нема да играм во Париз, но ќе се фокусирам да се вратам на терените што е можно побргу, напиша Халеп.
Халеп во 2018 година ја освои титулата, а во 2014 и 2017 година губеше во финалињата. Последниот грен слем што го освои Романката беше во 2019, кога победи на Вимблдон.
