Било кој вид на аеробна активност може да помогне во намалување на ризикот од прерана смрт, а новата студија на американскиот Национален институт за канцер особено истакнува дека играњето спорт со рекет, трчањето и пешачењето навистина се добри по здравјето.
Според новата студија објавена во магазинот „JAMA Network Open“, три видови активности се круцијални за намалување на ризикот од прерана смрт.
Студијата на американскиот Национален институт за канцер анализирала одговори од повеќе од 272.000 луѓе на старост меѓу 59 и 82 години кои ги исполниле анкетните листови за своите активности во слободно време во состав со Националниот институт за здравје „AARP Diet and Health Study“.
Истражувачите ги следеле испитаниците во период од десет години и ги анализирале здравствените податоци за смрт од канцер, болести на срцето и било која друга причина.
Тие откриле дека било која комбинација на аеробна активност која се применува во препорачано време била поврзана со 13 отсто помал ризик од смрт од било која причина во споредба со незанимавањето со ниту една активност.
Во овој вид активности енергијата за движење на мускулите добива биохемиски реакции во кои работите од храната се разградуваат со помош на кислород. Таквите вежби се временски долготрајни, но нискиот интензитет вклучува и трчање, велосипедизам, пливање, планинарење и друго.
Занимавање со спорт со рекет има најголема корист за кардиоваскуларните проблеми – дошло до намалување на ризикот од смрт од срцеви болести за 27 отсто и 16 отсто намален ризик од прерана смрт.
Најмногу намалување на ризик од смрт од канцер (19 отсто) е поврзано со трчањето, додека пак трчањето го намалува ризикот од прерана смрт за 15 отсто.
Пешачењето е вид вежбање кое е најкорисно за ризик од прерана смрт по спортот со рекет, покажало истражувањето.
