Американската тениска асоцијација очекува да донесе одлука за претстојниот УС Опен во јуни и планира да обезбеди 15 милиони американски долари за да им помогне на тениските федерации во тешкотии во глобалната криза, објави „Њујорк Тајмс“.

Тениската сезона беше запрена на почетокот на март поради пандемијата откако земјите почнаа да ги затвораат своите граници и воведоа мерки за да се обидат да го спречат ширењето на коронавирусот. Вимблдон беше откажан за прв пат по Втората светска војна, додека Ролан Гарос беше преместен од мај во септември, а сите турнири од календарот прекинати до средината на јули.

УСТА, организаторите на УС Опен, откри дека во моментов планираат да го одржат турнирот во Њујорк според планот, закажан за 31 август – 14 септември.

– Се уште го немаме точниот датум на кој конечно ќе решиме за турнирот, едноставно затоа што ситуацијата се менува секојдневно. Ние веројатно ќе ја објавиме нашата одлука некаде во јуни, рече извршниот директор на УСТА, Мајкл Даус.

Повеќе од 636.000 луѓе се тестирале позитивно за новиот вирус, а скоро 31.000 починале во САД, според неодамнешните податоци, при што Њујорк е најтешко погодената држава. Објектот на УС Опен во моментов служи како привремена болница поради медицинската криза во Њујорк. УСТА, која го води спортот во земјата, исто така рече дека ќе ги намали платите на нејзините главни директори за 20% за остатокот од 2020 година за да собере средства за поддршка на американските тениски простории, тренери и тениски организации.

Даус додаде дека дополнителното финансирање не зависи од судбината на Гренд-слем турнирот, кој е главниот извор на приходи на организацијата. „Овие планови ќе работат. Беше моделирано на начин што знаеме што можеме да направиме, а во теорија, ако можеме да сториме и повеќе, ќе се обидеме да го сториме тоа. Треба да ги задржиме овие тениски клубови и тренери колку што е можно финансиски стабилни за време на кризата “, заклучи тој.